الهندي و عبيد

لشاعرنا الكبير رحمة الله عليه سلطان الشاعر (( إشحفان )) و يقول سلطان - رحمة الله عليه :

يا ناس عبيد اشبلاه..حلوا قصته وادعواه...وش لي صابه محتشر........أخبروني وش دهاه
مخنفس وويهه ملتوي ..جنه إلا حافر طوي...قال مدعوم الحوي .........هذا الهندي كسّراه

ويلتي يا هي خساره...إدعمت بيتي سيّاره..كله من الهندي وأشواره......هذا ليسن من عطاه
كسّر الحوي والبيت......وكسّر مدقاره والليت.....ولو انا قربه ولّيت.........لكن الشكر لله

ييت ظاهر بنشده....ومن الحرقه جان أزغده.....وفكو ايدي ميسده....وفال بقسم بخداه (الله)
قال الهندي بريك ني..والقاري خراب ومب شي..وما دعمت إلا شوي ..ويدارك ايدر ني اجّاه

كتنا جايكا بازار دبي..وبلكل بايا خراب ني.....وإذا خودا يريد بشي.......خودا كريم وديجاه
شغّل وديكو جابي....ديكو بلكل باي بريك ني....وإيدارك ايدر كتنا هي.....أجا هي كتنا بيزاه

واقسم عبيد وحلف .......عن ايداره اللي تلف........ثمّنه وقال بألف.......ولا بتضارب وياه
بعمل وياه مصارعه.......وإن قبضته برفعه.......برد به وبصفعه.........لين يصيح يا ويلاه

خلوني بنقز عليه.....أبغي بأعضه في إذنيه......وبكسر له ريوله وإيديه......والله لأراوي جزاه
وإن قبضتك يالظالم.....بعتزي بخالي سالم......حاضر وسلاحه والم.....يطعن الهندي في جلاه

قال الهندي صبر كرو......هم معاشي دوسو.......هم ديو بنسو جلو........خداه قسم تيكي أجّاه
وأنت من ادعمو اليدار.....تبغي مني ياك هزار.....والقاري تكليف جار.....وليش أنا مافي كاناه

لا تكثر وايد سؤال......ولا تسوي وايد جنجال......أنا سيّد في الرجال.....في السايق قاري باراه
حشى ولا دعمت بيوت......جايكا كله أجا وبوت......لكن هالمره مب خوت.....أم ركتوم يا خداه

قد له عبيد محرج......يغمض بعينه ويبرج........وقال ما أخليه يطرج.........لين يسلم اللي أباه
الهندي خرب البيت....وكم أنا تعبت وكديت....وكم يبت له من السميت....وشوفوا جيف طايح خلاه

ياني يهزهز لي راسه......خذ الله الريل المحتاسه......وياكل بانه وخياسه......يعل مصيبه في دنياه
خلوني بمجع رقبته.......ولا بكسر له ركبته.........هندي وهاذي فعلته.........وفعله ذا محد سوّاه

وأشوف عيونه حمر......جنه إلا شارب خمر.......وخالي راسه من الفكر......ويمشي ما عنده دراه
أقسم الهندي بأيمان........حلف بربه(بجوان).........أنه صاحي مب سكران........تم عبيد ديواناه

ديكو عبيد إيدر كياه........تيك ني مطلب بيزاه.........تم كنجوس وني أجاه........إنشالله تم مرجياه
يا عبيد بيزاه ني.........وين اييب ووين أنهي........أحسن بسافر بمبي........كال جايكا بمبي والاه

وهاذي القصه والنشيد.......مابين الهندي وعبيد......هذا ما سمعته وأحيد....وآخر مدري إشسوى وياه