الزين عقب المغربيات ينعاف

تعالوا إقرو قصيدة ((لسوالف الليل)) وهي في نظري الرد اللأقوى على ها القصيدة
تدرون والله ياريته ما رجع من المغرب و تم عندهن هناك أحسن من ها الوهايق و المشاكل إلي يابها حق عمره
و يقول سوالف ليل فيها.......

ياحاجب ٍ عينك عن الزين بلحاف

................ كابوس حلمك والعواقب مريره

لذّة دقايق خلّتك تنظم القاف

................ أنا اشهد إن نظرة عيونك قصيره

حكمت في لحظه بلا عدل وإنصاف

................ مسطول.. فاقد.. تارس الكاس بيره

باكر تعرف إن الحلا كان زيّاف

................ وبكره تعرف إن الكره مستديره

هجوم لعبك بس تنقصك الأهداف

................ ومن لا يسجّل للهزيمه مصيره

الزين ماهو بس بكتوف وأرداف

................ الزين زين أهل النفوس السفيره

مسكين مثلك جاهل ٍ ما بعد شاف

................ مثقال ذرّه من بنات الجزيره

يحفظهن الله كان ما فيهن خلاف

................ كمالهن بالزّين والطّبع سيره

كان الحلا والزّين له سلم وأعراف

................ في دربهن تزحف جموع ٍ غفيره

وإلا انت لو ترقى على راس مشراف

................ إيدك قصيره والنواظر بصيره

إنت إنعدم ذوقك وتاليك ينعاف

................ كاس وحشيش وبوسة ٍ من سميره

رحلة سياحه أسرفت فيك إسراف

................ ولا جنيت إلا ذنوب ٍ كبيره

عاصي عسى تلحق على قسم الإسعاف

................ وتلحق على اللي راح منّه كثيره

زادت ذنوبك وأثقلت حمل الأكتاف

................ ماقد دريت إن النهايه خطيره ..؟


وسلامتكم... وإسمحوا لشاعرنا على قصوره......

يا جماعة من يذكرني بالمثل إلي يقول القافله تسير وتسير و تسير و لين
لييين وصلتنا لهذي القصيده لشاعر الكبير شبيب بن شاهر السبيعي يرد فيها و إيقول:

ياعاشق المغرب تعرضت لاتلاف
............................ اسلوبك الساذج لشرواك عيره
سوالفك قامت تعجرف تعجراف
................................عد تخاط وارده مع حديره
لا رحت للمغرب وهزيت الاكتاف
..............................من بينهم بعيش مثل الجحيره
عقلك رماك و وهقك وانت مزهاف
..............................محترقه عندك سلوك الظفيره
تراك مثل اللي على جال مهياف
.......................... ولا ظن لك في تالي الامر خيره
ذميت حلوات النبا نسل الاشراف
............................ بنات من يثنون دون القصيره
اللي لهم في ساعه الضيق ميقاف
.............................اهل الشهام والوجيه السفيره
ما باعوا الشيمه على كل صراف
...........................لو حدهم برد الزمان وهجيره
وسلامتكم... وبعد إسمحوا لشاعرنا الكبير على قصوره......

السلام عليكم و رحمة الله و بركاته....
هلا يا جماعه....مساكم الله بالخير و السرور...

يا جماعه أشوف ناس رجعوا في كلامهم


أصدقون كأنه فيه ذباب حولنا في الموقع بس ما عليه المثل عندنا نحن (((أهل الجزيره))) يقول الباب إل إيك منه الريح سدة وإستريح و بعد فيه مثل يقول الحقراااااان يقطع المصراااااان

على العموم ياجماعة أنا ما أحب أرد و لا أتم في مكان أقل من مستواي (((( و إذا خاطبهم الجاهلون قلوا سلاما)))

بس يكفينا فخر نحنا بنات الجزيره أنه ورانا رجال و منهم الأمير طلال الرشيد (((الملتاع)))رحمة الله عليه و كثير من شعراء الجزيره الكبار
أفزعولنا.....و ما أنسى أجمل رد للأمير الله يرحمة و أحب أن أكررها لكم حتى تزيدنا فخر...ولي قال فيها:

يابن الحلال ان طعتني خل الاســــراف
...................................واترك جمال الغيد لاهل البصيــــره

الزين موبس في الملامح والاوصــاف
...................................الزين روح وعفه وطيب سـيــــــــره

مانيب من يهوى سريا وانصـــــــــــاف
...................................أنا هواي وبس بنت الجــزيـــــــــــره

بنت الخليج اللي تماري بالاعـــــــراف
...................................وحنا نماري باسمها كل ديـــــــــــــره

مالي غرام بقول وخا وبالـــــــــــــزاف
....................................اذبحتني عند الطرحه المستديــــــــره

احب قولة ياهلا وعل وماخـــــــــــلاف
....................................من بنت ثوبي بنت الارض النضيــره

اللي تحلاها الظبي حلو الاطــــــــراف
....................................جمال في عفه ورقه وغـيــــــــــــــره

واللي بها سحر مهو سحر عــــــراف
...................................ياعل عين ماتراها ضـريــــــــــــــــره

عطف وحنان وذوق في لين الاعطــاف
.......................................والى كشفت لثامها شفت أميـــــــره

صعب على اللي بالردي شاف ماعاف
.......................................وحلوه علىاللي سنه الله ضميـــــره

شمس الى من اشرقت والدجا طـاف
.....................................غابت نجومك غصب لو هي كثيـــــره

السيف مايزهى سوى كف سيـــــاف
.....................................والخيل دون حصانها مستخـــيــــــــره

بس أنت دورلك على قدك لحــــــــاف
....................................وان طعتني دور بدلنا عشـــيــــــــــره

وسلامتكم... و الله يغمد روحك الجنه يااا أميرنا الغالي......