يا الله ما اكثر البنات ..

موضوع عجبني و حبيت انقله لكم و اتمني انكم تستفيدووووون منه
و الموضوع هو عن كثر البنات
شوفوااا الموضوع و عقب خبروووووني رايكم فيه

قبل سنة تقريباً وتحديداً في شهر أغسطس

كنت معزوم عند واحد من الربع مع لفيف من الأصدقاء الأخيار

شرواي شروانا الطيب



وفي المجلس رجال ماأعرفه عمره تقريباً في منتصف العقد الرابع ويوم أبحرنا في السوالف ونهلنا من علم بعض وتعشينا ولعب المفطح بالرؤؤس وزانت الجلسة قام خوينا اللي في منتصف العقد الرابع عطانا هالسالفة التي أنقلها لكم وناقل الكفر ليس بكافر



يقول الرجال .. أنا عسكري ونقلوني لمدينة الرياض والمشكلة ماأقدر أنقل زوجتي وعيالي لأنها موظفة المهم نقلت للرياض لحالي وبدأ مسلسل الغربة والوحشة والصمت الرهيب أدخل البيت وحدي وأنام لوحدي وأصحى لوحدي وأنا رجال في سن ماعاد يصلح لي حياة العزوبية .. وذات يوم دلوني عيال الحلال على مطوع إسمه الشيخ ياسر يزوج مسيار وعطوني رقمه !!!



يقول طنشت أول الأمر بس يوم بدأ الجوع العاطفي ينهش عظامي طاوعت شيطاني وإتصلت على الشيخ ياسر ووصف لي محلهم ورحت عندهم في المكتب !!!



يقول أنا دخلني الما من يوم شفت الشيخ ياسر يقول أول مره أشوف شيخ عمره 21 سنة !



المهم سألني عن طلبي وعطيته كروكي لمواصفات البنت اللي أبيها

شوي ويطمر الشيخ للغرفة الثانية ويرجع شايل كومة سجلات مثل حقت الصادر والوارد الكبيرة ( إسمها الحركي كلمازه )

يقول خوينا والله يالربع إنها سجلات فيها مالايقل عن ألف بنت على كل صنف ولون .. العز باء والأرمل والمطلقة البيضاء الرصاصية الغنية الفقيرة الموظفة والعاطلة يقول حتى من الدقة فيه كم وحدة على بند الأجور ..

وفيهن سعوديات وشيء من الهلال الخصيب وشيء من شمال أفريقيا ..



وإنت لوحدك ياباشا طب وتخير والأسعار تبدأ من خمسة الآف إلى عشرين ألف حسب المواصفات والإضافات حقت الوكيل !!



يقول أخذت كم عنوان ورحت !! يقول إنصدمت من اللي شفته !! بنات مثل الورد في عمر الزهور ومع ذلك راضية بالمسيار !!




طبعاً خوينا في الله فكة ولاأعرس ورجع تائب طائع لزوجته ..



طبعاً أنا لي هدف من القصة بعدين بقوله بس خلوني أعلمكم عن قصة لشخص آخر من أصحابي الخاصين






خوينا هذا معرس من سنين بس الفضاوة شينة يقول جالس لحالي والمدام عند أهلها أقلب في هالقنوات واطيح على قناة إسمها الوسط مدري الوسيط تعرض طلبات زواج حريم ورجال المهم يقول من الفضاوة أرسلت لهم رسالة وخلال خمس دقائق صرت مشترك وطلعت رسالتي على الشاشة وطبعاً كلها مواصفات كذب في كذب يقول بعد حوالي ساعتين أرسلوا على جوالي رسالة إنهم لقوا لي شريكة حياتي وشوي إلا مرسلين رقم جوالها لي !!



يقول إنفجعت وفغرت فاهي مشدوهاً يقول والله إنهم أسرع من بيتزا هت وطبعاً الشيطان لعب في راسه وقال خلني أدق على الرقم { ماتلاحظون إن الشيطان متفرغ لي أنا وأصحابي } خخخخخ



يقول أنا متأكد إنه بيطلع لي واحد يستهبل يقول إتصلت وطلعت بنت كاملة البنوتة وتلعثمت في الكام بس إن الشيطان جرى على لسانه

وإنطلق وبدأ يسولف مع البنت !!



يقول عطتني معلومات كاملة وأنا يقول أنهيت المكالمة

على أساس إنه خلاص تجربة ولقافة مني وراحت

بس يقول البنت نشبت لي كل يوم تتصل يقول في البداية كانت تقول مهري {30} ألف وبعد كم يوم

صار {20} وبعدها بكم يوم

صار {10}

يقول بديت ماأرد على إتصالاتها يقول البنت تبي عرس صدقي ومستعدة تتنازل عن أي شرط بس تعرس !!



إنتهت قصه خوينا



أنا داري إنكم يالحريم تكرهوني لأنكم تحسبوني ضدكم وتعتقدون إني أنظر للحرمة على إنها حشرة مع العلم إن الفراشة أصلاً حشرة لكن أبداً أبداً كل هالكلام عاري من الصحة على الأقل في هذا الموضوع ..



أختي المرأة ..



المتزوجة .. عضي على زوجك بالنواجذ والإقدام وإعلمي يرعاك الله إن الحريم خلف باب بيتك على قفا من يشيل زي النمل يحترون بس زوجك يطلع ويبدأ شغل الإغراء وإنتي ياغافل لك الله وفي عصر التقنية زادت حدة المنافسة على بعلك قد تضحكين على كلامي وتقولين حشا والله لو إن زوجي توم كروز عندها أختي الزوجة سوف أبسمل وأقول مستعيناً بالله ضحكتي من سرك بلا..

زوجك هذا اللي تشوفينه نكرة حشرة حقير غيرك يشوفه خليط من توم كروز وجورج كلوني وتوماس ديسون<<كثر منها

زوجك هذا لو يقول يازواج ماأذن للمغرب إلا وهو معرس على ثلاث غيرك كل وحدة تقول للقمر إنقلع وتجلس بداله ..



زوجك هذا لو نطرحه للتداول قفل نسبة من مضاربة القروبات النسائية عليه

.. زوجك هذا لو يتأفف منك أفوفه صغيرة مايمديه يكملها إلا وحوله {6422}حرمة

كل وحدة مستعدة تخلع عينها وتقدمها له في طبق بلور !!









أنا خلصت زمتي من ربنا ولعلمك أختي الزوجة في عالم الذكور أنا أعتبر خاين لاني اطلعتك على بعض أسرار مجتمعنا الذكوري المتعطش للحرث والنسل وإعمار الأرض لكن على رأي عمك حسان اليماني كلووه بسوابووه !!





ولا تفرطي أختي الزوجه في الثقة في نفسك ويزين لك الشيطان سوء عملك وترددين بخيلاء فين راح يلقى أحسن مني أو قد تحدثين نفسك وتقولين زوجي أصلاً يموت فيني ولايحب أحد غيري ساعتها أختي الزوجة راح نتقابل يوم القيامة وتذكري إن المرء يحشر مع من أحب ساعتها راح تكتشفين زوجك يحب مين !!

شين منظرك وإنتي لوحدك وزوجك محشور مع باسكال وروبي !!

قال يحبني قال حبك برص ياشيخة {خربت الأخلاق} !!





أما إنتي أختي الغير متزوجة..



فوالله إني مشفق عليك أيما إشفاق ومع شروق شمس كل يوم جديد أسأل نفسي الحين هالبنات من جدهن ولا يستهبلون إذا قاموا يتشرطون في عريس المستقبل المظلم المهجور {صوت رياح علشان أخوفكم أكثر} !!



والله إني أضحك ملئ فيهي

إذا قريت هذي الشروط اللي حاطينها ونفسي أمسك ماصورة وافلق كل بنت واملاء اقداحي بدمها واعبها حمى من الاهواء تصطخب اصطخابا !!



تكفين أختي الغير متزوجة أفيقي من سباتك أفيقي أفيقي {ماسكها من تلابيبها ويهزها بقوة} وعلشان أتدرج معكم في الصدمه خلوني أضرب لكم مثال



الحين أختي الغير متزوجة

تخيلي نفسك دخلتي بقالة دافئة حنونة وأخذتي تشترين مقاضي البيت

وتطيرين في أرجاء البقالة كفراشة رقيقة ورائعة وحطت بك عصا الترحال عند الملح !! وقررتي تشترين ملح فوجدتي علبيتن وحدة فوشي وعليها فيونكة جلد نمر وسعرها ألف ريال

وعلبة ثانية لونها أحمر بدون فيونكة ومكتوب عليها ساسا سعرها{3} ريال طبعاً



أنا متأكد إنك سوف تستلقين على علباتك من الضحك وتقولين الحمدلله وش اللي اخذ ملح بـ{1000} ريال وسوف تمدين يدك وتأخذين العلبة أم{3} ريال ولسان حالك يقول إجلسي يا أم فيونكة وخيسي على الرف وسوف تأخذين العلبة الأرخص لأنها في الأخير كلها ملح .. إنتهى المثال !!







أختي المرأة ..




الغير متزوجة إنتي والملح وجهان لعملة واحدة وشلون مادري بصراحة بس المهم إنكم وجهان لعملة وحدة خخخخ





أختي المرأة..



الغير متزوجة إذا كان عمرك تحت العشرين أكيد شروطك في عريس الغفلة واجد بس إصبري لين تتعدين العشرين راح تحذفين كم شرط

ومع تقدم السنين راح تحذفين شروط وشروط

وفي الأخير خالص إذا نقشت السنين على جبينك الطاهر خطوطها راح تشققين ورقة الشروط

وساعتها لابكي ينفع ولاشكوى تفيد طيب ماكان من الأول



بسيطة هذا إحنا فيها لاتؤجل عمل اليوم إلى الغد فإن في الغد أعمال كثيره الحين الحين قومي بكل عزم وثبات صلي ركعتين شكر لله اللي خلاك تقرين هالموضوع الرائع وطيران على درج الكمودينو الثاني يسار إفتحيها أيوووه وطلعي ورقة الشروط وقطعيها نعم قطعيها وتحرري من عبوديتك قطعيها وقطعي معها كل غباء السنين الماضية



قطعيها ولاإحرقيها وإن كان ماكفى تعالي وإحرقيني {حطينا قناة فلاش بدل روتانا طرب}





وأول هذهـ الشروط اللي لازم نقطعها وبقوة الشرط الذي ينص صراحةً على {عريض المنكبين}

والله إنك في غفلة يا أم سليمان والله لو إنك الحرس الوطني يوم تبينه عريض المنكبين وبعدين صدقيني أختي الغير متزوجة شروطك هذي اللي وقفت حجر عثرة في طريق مستقبلك

وخلت الرفاق حائرون يتسآلون في جنون أنتم تستهبلون ولا تستهبلون !!



وصدقيني لو إني شاب مشوهـ ولاأملك إلا فتحة أنف وحدة ونصف منكب وبطني مبقور وكلـوتـي طالعة برة وأقرر أتزوج ما راح ترفضني ولاحرمة وحدة سواء في الشرق أو الغرب يمكن باريس هليتون يصير عندها تحفظ بس راح توافق في الأخير ..



الز بـدة..

يا أخواتي الحريم المتزوجات منكن والعـز باوات انا أخليت مسؤليتي عن أي لقب عانس إبتداء من تاريخ نشر موضوعي هذا وكنت معكم ناصح أمين

كشفت كل أوراقي قدامكم وتعاملت معكم بقدر عالي من الشفافية والمصداقية والكرة في ملعبكم لايضحكون عليكم البنات الكيوت بسالفة الفارس اللي على حصان أبيض

ومنكباته عراض وبيآخذك وبيطير على القصر وكل يوم تتعشون في بلد مرة لندن ومرة سويسرا











اللهم إني عبدك .. خط يراعي ما استيقنته نفسي .. وما كنته حفيظتي .. فلا تمتني قبل موتي .. ولا تبعثني بعيداً عن رحمتك ..





























تعبتوا وانتوا تقروا..

بس حلو الموضوع صح ؟؟؟